No.14 Nizame hazam ki kharabiyan or 5 asaan gharelu totkay

نظامِ ہضم کی خرابیاں اور 5 آسان گھریلو ٹوٹکے

اس بات میں کوئی شک نہیں ہے کہ ہمارا نظامِ ہضم ہمارے جسم کے سب سے اہم ترین حصوں میں سے ایک ہے- اس نظام کا بنیادی کام ان غذائی اجزاﺀ کو جذب کرنا ہوتا ہے جو ہماری صحت کے لیے انتہائی مفید ہوتے ہیں- تاہم اگر اس نظام میں کوئی خرابی پیدا ہوجائے تو اس کے اثرات پورے جسم پر مرتب ہوتے ہیں- ہم یہاں آپ کو چند ایسے گھریلو ٹوٹکے بتا رہے ہیں جو نہ صرف نظامِ ہضم کی خرابیوں کو دور کرتے ہیں بلکہ اس میں بہتری بھی لاتے ہیں- ادرک ادرک نہ صرف آپ کے ہاضمے کے نظام کو مختلف مسائل سے بچاتا ہے بلکہ اس کی کارکردگی کو بہتر بھی بناتا ہے- ادرک کا استعمال متلی٬ قے٬ اپھارہ پن٬ بدہضمی اور ڈائیریا میں کمی لاتا ہے- ایک کپ پانی میں ایک کھانے کا چمچ پسا ہوا ادرک 10 منٹ تک ابالیں- اس کے بعد ادرک چھان لیں اور پانی میں شہد شامل کرلیں- روزانہ 2 سے 3 وقت یہ چائے پئیں اور کمالات دیکھیں- پودینہ پودینہ بھی ایک ایسی حیران کن جڑی بوٹی ہے جو انسان کے ہاضمے کے نظام کو خرابیوں سے بچاتی ہے- پودینہ میں ایسی خصوصیات پائی جاتی ہیں جو آنتوں کے درد اور ان کی سختی کے علاج کے حوالے انتہائی مددگار ثابت ہوتی ہیں- اس کے علاوہ پودینہ متلی٬ قے٬ گیس اور اپھارہ پن سے بچاتا ہے- ایک چائے کا چمچ پودینے کے پتے ایک کپ پانی میں 10 منٹ تک ابالیں اور اسے چھاننے کے بعد ذائقے کے لیے اس میں ایک چائے کا چمچ شہد شامل کرلیں- مطلوبہ نتائج حاصل کرنے کے لیے روزانہ کم سے کم دو کپ یہ پانی پینا ہے- سونف سونف نظامِ ہضم میں پیدا ہونے والی خرابیوں کے علاج اور صحت کی بہتری کے حوالے سے بھی جانی جاتی ہے- اس کا استعمال اکثر تیزابیت٬ سینے کی جلن اور بدہضمی کے علاج کے طور پر بھی کیا جاتا ہے- سونف کے طبی فوائد حاصل کرنے کے لیے اسے ہر کھانے کا بعد چبابا بھی جاسکتا ہے- اس کے علاوہ آپ سونف کی چائے بنا کر بھی پی سکتے ہیں- سیب کا سرکہ سیب کا سرکہ نظامِ ہضم کی دیکھ بھال اور بہتری کے لیے اہم کردار ادا کرتا ہے- بدہضمی٬ پیٹ درد اور سینے کی جلن جیسے مسائل سے چھٹکارا حاصل کرنے کے لیے یہ انتہائی مفید ثابت ہوتا ہے- ایک کپ گرم پانی میں ایک کھانے کا چمچ سیب کا سرکہ اور ایک چائے کا چمچ شہد شامل کرلیں- بہترین نتائح حاصل کرنے کے لیے اس مرکب کو روزانہ دو سے تین مرتبہ ضرور استعمال کیجیے- اسپغول اسپغول کے اثرات پورے نظامِ ہضم پر مرتب ہوتے ہیں- اسپغول میں پایا جانے والا فائبر ہاضمے کے نظام کی کئی خرابیوں کو دور کرتا ہے اور اسے بہتر بناتا ہے- اس کے علاوہ اسپغول گیس اور قبض کے مرض سے بھی نجات دلواتی ہے- ایک کپ دہی میں ایک کھانے کا چمچ اسپغول شامل کر کے کھانا آپ کے نظامِ ہضم پر مثبت اثرات مرتب کرتا ہے-

Disclaimer: All information is provided here only for general health education. Please consult your health physician regarding any treatment of health issues.