No 19. Depression Fauri Dur Kerne Ke 5 Behtareen Tarike

ڈپریشن فوری دور کرنے کے 5 بہترین طریقے (Mian Jamshed, Rahimyarkhan) مگر یاد رہے کہ یہ سب آپ کے اپنے چاہنے پر ہی ہے ۔ کوئی دوسرا آپ کو پکڑ کر سیٹ نہیں کرے گا ۔ اگر الجھن زیادہ ہو ، خود سے کچھ سمجھ نہ آے تو کسی اچھے ماہر نفسیات سے مل کر کونسلنگ لینے میں کوئی حرج نہیں ہے نہ ہی کوئی معیوب بات ہے ۔ اس وقت میں آپ کو صرف بھرپور توجہ سے سننے اور سمجھنے والا چاہیے ہوتا ہے۔ کسی بھی مشکل معاشی و معاشرتی حالات کی وجہ سے، من چاہا نتیجہ نہ ملنے کی صورت میں یا پھر کسی اچانک نقصان کی صورت میں ڈپریشن ہو جانا فطری بات ہوتی ہے ۔ جس کے وجہ سے جہاں آپ حوصلہ ہار جاتے ہیں وہیں پر ذہنی و جسمانی طور پر بھی کمزور ہو جاتے ہیں ۔ اب سمجھنے والی بات یہ ہے کہ ہر بندہ کسی بھی مشکل حالات میں اس کا شکار ہو سکتا ہے ۔ فرق اس بات سے پڑتا ہے صاحب ، کہ آپ نے کتنے اچھے طریقہ سے اس حالت پر قابو پا کر خود کو مضبوط بنایا ہے ۔ تو جناب اسی حوالے سے ذیل میں 5 بہترین آزمودہ کاموں کا ذکر ہے جن کو اختیار کر کے آپ اپنے آپ کو ڈپریشن کی حالت سے فوری باہر نکال سکتے ہیں ۔ INSHALLAH  1۔ بلا وجہ جاگنا ختم کریں ۔ اگرچہ اس حالت میں نیند لینا تھوڑا مشکل ہو جاتا مگر پھر بھی آپ کو چاہے نیند آئے یا نہ آئے ۔ چاہے اداسی والی لا تعداد منتشر سوچیں ساتھ ہوں مگر پھر بھی آپ نے سونے کے اوقات میں بستر پر لیٹ کر سونے کی کوشش کرنی ہے ، مطلب کہ آپ کو اپنی نیند مکمل کرنی ہے ۔ ایسا بالکل نہیں کرنا کہ پوری رات اداسی کے گانے سنتے میں گزار دیں، موبائل پر ٹائم پاس کریں یا کسی کے ساتھ اداسی والی باتیں کرتے رہیں۔ ایسے کاموں کو سائیڈ پر رکھتے ہوئے رات کو لازمی نیند لیں اور روزانہ کی بنیاد پر اس عادت کو اپنائیں ۔ 2۔ کھانا کھانے سے نہیں بھاگنا ۔ مثبت سوچوں کو اجاگر کرنے اور صحت مند ذہن رکھنے کے لیے مناسب کھانا بہت ضروری ہے ۔ بھوک نہ بھی لگے مگر پھر بھی اپنی روٹین کے مطابق آپ نے لازمی کھانا ہے ۔ اسی وجہ سے آپ کے اندر انرجی پیدا ہو گی ۔ خاص کر ناشتہ بالکل نہیں چھوڑنا ۔ آپ کے پیٹ کو آپ کے ڈپریشن کی کوئی پروا نہیں ہوتی ۔ کتنی کے دیر بھوکے رہ لیں گے آپ ؟ جب پیٹ بھرنا مجبوری ہی ہے تو پھر کھانا چھوڑنا ہی کیوں صاحب ۔ اس لیے صحت مند غذا سے اپنے وقت پر کھانا کھانے کی روٹین برقرار رکھیں ۔ 3۔ ذہن کی صفائی کریں ۔ یقین مانیں کہ ساری بات مضبوط ذہن کی ہوتی ہے ۔ اپنی لا تعداد و منتشر سوچوں پر قابو پانے کی ہوتی ہے ۔ اس لیے اپنے ذہن کو خالی کریں اور اپنی سوچوں کو اس میں قید مت کریں ۔ آزاد کریں ان کو ۔ پر سکون ہوں ذرا ۔اس کے لیے بہترین کام اچھے سے وضو کر کے نماز ادائیگی ہے ۔ جس کے دوران اپنا فوکس ان الفاظ و تراجم پر مرکوز کریں جو نماز پڑھتے ہم ادا کرتے ہیں ۔ اپنے مکمل شعور کے ساتھ نماز کے ہر رکن کو ادا کریں اور پھر مکمل عاجزی و آنسؤں کے ساتھ دعا کریں ۔ قرآن کی تلاوت کریں ۔ ان سب سے ڈپریشن میں بہت تیزی کے ساتھ کمی آئے گی اور اطمینان میسر ہو گا INSHALLAH ۔ اس کے علاوہ سانس کی آمد و رفت پر فوکس رکھنے والا مراقبہ بھی بہت مفید ہے ۔ 4۔ باہر نکلیں ، گھومیں پھریں ، واک کریں ۔ آپ بالکل ٹھیک سوچ رہے ہیں کہ ایسی حالت میں کہیں جانے کو ، کسی سے ملنے اور بات کرنے کو دل نہیں کرتا ۔ واقعی ایسا ہی ہوتا ہے آپ بھی کریں مگر صرف وقتی طور پر، مگر پھر کمرے سے باہر آئیں ، لوگوں سے ہلکی پھلکی باتیں کریں ۔ واک کے لیے جائیں ۔ مقصد بس خود کو حرکت میں لانا ہے تبھی ذہن کھلتا ہے ، ارد گرد کی ہلچل سے سوچوں کا رخ بدلتا ہے ۔ جسم میں انرجی آتی ہے جس سے ذہنی دباؤ کم ہوتا ہے ۔ چاہے خاموش رہ کر اکیلے ہی گھومیں پھریں یا واک و ورزش کریں ، کوئی مسلہ نہیں مگر بس خود کو حرکت میں لانا ہے ۔ 5۔ توجہ کا فوکس بدلیں جس وجہ سے آپ کو ڈپریشن ہوا، اس بارے میں اب بہت سوچ لیا جناب ۔ اب ذرا دھیرے دھیرے سوچوں کا رخ " حل " کی تلاش میں لگائیں ۔ اپنے آپ سے مثبت خود کلامی کرتے اور اللّه سے صبر و رہنمائی کی دعا مانگتے اپنے ذہن کو مسلہ و پریشانی سے نکلنے کے راستوں پر لگائیں۔ اپنوں اور اچھے دوستوں سے مشورہ کرنے یا مدد مانگنے سے مت ججھکیں ۔ برین سٹورمنگ کرتے تمام متوقع حل کو لکھیں اور پھر مناسب حل پر عمل کریں ۔ یاد رکھیں کہ ڈپریشن کا بہترین حل آپکا " عمل " کرنا ہے نا کہ صرف پریشانی کو ہی بار بار سوچنا ۔ تو دوستو یہ وہ 5 اہم کام ہیں جن کے کرنے سے آپ جلد ہی ڈپریشن کی حالت سے باہر آ سکتے ہیں ۔ مگر یاد رہے کہ یہ سب آپ کے اپنے چاہنے پر ہی ہے ۔ کوئی دوسرا آپ کو پکڑ کر سیٹ نہیں کرے گا ۔   زندگی کے مشکل حالات کا مسکرا کر مقابلہ کرنے کے ساتھ رسک لینے اور ہمت سے آگے بڑھتے رہنے پر یقین رکنا چاہیے۔ کچھ نیا و منفرد کرنے اور سیکھنے سکھانے کا شوق بھی ہمیشہ ساتھ ساتھ رکنا چاہیے اسی لئے اپنی پیشہ ورانہ ذمہ داری کے ساتھ ساتھ کردار سازی ، ذہنی اصلاح اور مثبت طرز زندگی کے موضوعات پر کام کرناچاہیے۔

Disclaimer: All information is provided here only for general health education. Please consult your health physician regarding any treatment of health issues.